ກຸ່ມບໍລິສັດ ເອເດນ ອຸດົມຜົນ ຈຳກັດຜູ້ດຽວ ສ້າງຕັ້ງໃນປີ 2020 ເຊິ່ງດຳເນິນທຸລະກິດຫຼາຍດ້ານດັ່ງນີ້: 

1. ໂຄງການສ້າງຕັ້ງຕະຫຼາດ ເນລະມິດ(ຕະຫຼາດກະສິກຳ)

    ເລີ່ມຈັດຕັ້ງປະຕິບັດໂຄງການຕົ້ນ ປີ 2022 ສຳເລັດປີ 2026 ກິດຈະກຳຕົ້ນຕໍຂອງໂຄງການແມ່ນ: ສ້າງຕັ້ງຈຸດປຽ່ນຖ່າຍສິນຄ້າ 2 ແຫ່ງ, ແຫ່ງທີ1: ຕັ້ງຢູ່ ບ້ານວັງເຕົ່າ ເມືອງໂພນທອງ ແຂວງຈຳປາສັກ ແຫ່ງທີ2: ຕັ້ງຢູ່ຕະຫຼາດ ເນລະມິດ(ຕະຫຼາດກະສິກຳ) ບ້ານພັດທະນາຫຼັກ7 ນະຄອນປາກເຊ ແຂວງຈຳປາສັກ ສຳລັບຈຸດທີ2ປະກອບມີ ຈຸດປ່ຽນຖ່າຍສິນຄ້າ, ສາງພັກສິນຄ້າ, ໂຮງເຮືອນຫຸ້ມຫໍ່-ບັນຈຸແລະຄັດເກຼດສິນຄ້າກະສິກຳ, ຕະຫຼາດສົດ, ສູນຈຳໜ່າຍ ອຸປະກອນ ແລະ ເຄຶ່ອງມືກະສິກຳ, ສະຖານີຈຳໜ່າຍແນວພັນໄມ້, ສະໝຸນໄພ, ຢາພື້ນເມືອງ, ສິນຄ້າຫັດຖະກຳແລະອື່ນໆ  ນອກນັ້ນຍັງມີບໍລິການຂົນສົ່ງ (ພາຍໃນ ແລະ ຕ່າງປະເທດ), ໃຫ້ບໍລິການເອກະສານການສົ່ງອອກ - ນຳເຂົ້າສິນຄ້າຕ່າງປະເທດ ແລະ ໄດ້ຮັບການຢັ້ງຢືນສິດການເປັນຜູ້ສົ່ງອອກທີ່ສາມາດຢັ້ງຢືນແຫຼ່ງກຳເນີດສິນຄ້າດ້ວຍຕົວເອງພາຍໃຕ້ສັນຍາການຄ້າອາຊຽນ, ມີໃບຢັ້ງຢືນGMPມາດຕະຖານການສົ່ງອອກ. 

2. ໂຄງການສົ່ງເສີມປູກພືດລົ້ມລຸກ

     ກິດຈະກຳຕົ້ນຕໍຂອງໂຄງການແມ່ນການສົ່ງເສີມ: ການປູກມັນຕົ້ນ, ມັນດ້າງ, ໝາກນ໋ອດ, ກະລ່ຳປີ, ຜັກກາດ, ກ້ວຍ, ຖົ່ວດິນ ແລະ ອື່ນໆ. ເນື້ອທີ່ປູກເອງຂອງ ບໍລິສັດ ມີຈຳນວນ 600 ເຮັກຕາ ແລະ ສວ່ນທີ່ສົ່ງເສີມໃຫ້ປະຊາຊົນປູກມີເນື້ອທີ່ມີຈຳນວນ 6,000 ເຮັກຕາໃນ 3ເມືອງ.

3. ໂຄງການສ້າງຕັ້ງໂຮງງານຜະລິດແປ້ງມັນຕົ້ນ ໃນແຂວງ ອັດຕະປຶ. 

    ກິດຈະກຳຕົ້ນຕໍຂອງໂຄງການແມ່ນ ສົ່ງເສີມການປູກມັນຕົ້ນ, ສ້າງຕັ້ງໂຮງງານແປ້ງມັນຕົ້ນທີ່ໄດ້ມາດຕະຖານທີ່ມີກຳລັງການຜະລິດຫຼາຍກວ່າ 300ໂຕນ/ວັນ ໃນເນື້ອທີ່ 110ເຮັກຕາ, ສ້າງຕັ້ງລານຕາກມັນຕົ້ນ ແລະ ພືດອື່ນໆທີ່ແຂວງອັດຕະປື, ເກັບຊື້ຜົນຜະລິດຈາກປະຊາຊົນ. ເນື້ອທີ່ປູກເອງມີຈຳນວນ 200 ເຮັກຕາ ແລະ ສົ່ງເສີມໃຫ້ປະຊາຊົນປູກ ມີຈຳນວນ 2,000 ເຮັກຕາ.